今朝有酒今朝醉
《今朝有酒今朝醉》Kim-tiau Iú Tsiú Kim-tiau Tsuì
鄭琇月Tēnn Siù-gua̍t
——————————————
今朝有酒今朝醉
kim-tiau iú tsiú kim-tiau tsuì
心事啥人知
sim-sū siánn-lâng tsai
滿腹的憂悶欲講出喙
muá-pak ê iu-būn beh kóng tshut-tshuì
到底啥人會了解
tàu-tué siánn-lâng ē liáu-kái
時常想起阮的過去
sî-siông siūnn-khí gún ê kuè-khì
燒酒愈啉愈憂愁
sio-tsiú jú lim jú iu-tshiû
愛人啊講阮無勇氣
ài-jîn–ah kóng gún bô ióng-khì
一杯燒酒一杯醉
tsi̍t-pue sio-tsiú tsi̍t-pue tsuì
今朝有酒今朝醉
kim-tiau iú tsiú kim-tiau tsuì
心事講予你知
sim-sū kóng hōo lí tsai
誤入著烏暗的𨑨迌界
gōo ji̍p tio̍h oo-àm ê thit-thô kài
希望你會來了解
hi-bāng lí ē lâi liáu-kái
堅心想欲來立志
kian-sim siūnn-beh lâi li̍p-tsì
𨑨迌也是無了時
thit-thô iā-sī bô-liáu-sî
燒酒啊若欲啉落喙
sio-tsiú–ah nā beh lim lo̍h-tshuì
一杯燒酒一杯醉
tsi̍t-pue sio-tsiú tsi̍t-pue tsuì
