事事免怨嘆
《事事免怨嘆》Sū-sū Bián Uàn-thàn
鄭琇月Tēnn Siù-gua̍t
——————————————
佮你分開無幾工
kah lí hun-khui bô kuí-kang
敢若親像已經換一个人
kánn-ná tshin-tshiūnn í-king uānn tsi̍t-ê lâng
商場情場無論佗一項
siong-tiûnn tsîng-tiûnn bô-lūn tó tsi̍t-hāng
認真拍拚就有希望
jīn-tsin phah-piànn tiō ū hi-bāng
有時難免會拄著困難
ū-sî lân-bián ē tú-tio̍h khùn-lân
拄著都拄著矣
tú–tio̍h to tú–tio̍h ah
愛勇敢
ài ióng-kám
歡喜嘛是過一工
huann-hí mā sī kuè tsi̍t-kang
煩惱嘛是過一工
huân-ló mā sī kuè tsi̍t-kang
啊~免怨嘆免怨嘆
ah~ bián uàn-thàn bián uàn-thàn
我來陪你
guá lâi puê lí
酒閣啉一杯
tsiú koh lim–tsi̍t-pue
莫操煩
mài tshiau-huân
明仔載又閣是有希望
bîn-á-tsài iū-koh sī ū hi-bāng
