返璞歸真
《返璞歸真》Huán-phok Kui-tsin
臺中市勞資合唱團Tâi-tiong-tshī Lô-tsu Ha̍p-tshiùnn-thuân
——————————————
有田嬰佮鴟鴞
ū tshân-enn kah lā-hio̍h
有田蛤佮白翎鷥
ū tshân-kap kah pe̍h-līng-si
有流水有翠青
ū liû-suí ū tshuì-tshinn
暗暝有杜蚓的聲
àm-mî ū tōo-ún ê siann
有流星佮月圓
ū liû-tshinn kah gue̍h-înn
有日頭佮落雨天
ū ji̍t-thâu kah lo̍h-hōo thinn
有歡喜有向望
ū huann-hí ū ǹg-bāng
養飼阮大漢的天
iúnn-tshī gún tuā-hàn ê thinn
囡仔兄
gín-á-hiann
問人客你對佗位來
mn̄g lâng-kheh lí tuì tó-uī lâi
我講我對遠遠的所在
guá kóng guá tuì hn̄g-hn̄g ê sóo-tsāi
囡仔兄
gín-á-hiann
閣欲請問人客
koh beh tshiánn-mn̄g lâng-kheh
你為啥物代
lí uī siánn-mih tāi
來到阮遮爾田庄的所在
lâi kàu gún tsiah-nī tshân-tsng ê sóo-tsāi
啦~lah~
