臺灣魂
《臺灣魂》Tâi-uân Hûn
臺中市合唱團Tâi-tiong-tshī Ha̍p-tshiùnn-thuân
臺中室內合唱團Tâi-tiong Sik-lāi Ha̍p-tshiùnn-thuân
新世紀合唱團Sin-sè-kí Ha̍p-tshiùnn-thuân
國立臺灣交響樂團Kok-li̍p Tâi-uân Kau-hióng-ga̍k-thuân
——————————————
水牛犁田勤刻苦
tsuí-gû lê-tshân khîn khik-khóo
殷勤做工為鄉土
un-khûn tsuè-kang uī hiong-thóo
早出暗歸無怨言
tsá-tshut àm-kui bô uàn-giân
克己為人比聖賢
khik-kí uī-jîn pí sìng-hiân
落塗來死一粒麥
lo̍h-thôo lâi sí tsi̍t-lia̍p be̍h
命傳後代真人格
miā thuân āu-tāi tsin jîn-keh
開花結穗無數萬
khui-hue kiat-suī bû-sòo bān
犧牲自我天必讚
hi-sing tsū-ngóo thian pit tsàn
透早出門到田園
thàu-tsá tshut-mn̂g kàu tshân-hn̂g
溪水冷霜路途長
khe-tsuí líng-sng lōo-tôo tn̂g
殷勤做工為囝孫
un-khûn tsuè-kang uī kiánn-sun
血汗流落心內吞
hueh-kuānn lâu–lo̍h sim-lāi thun
番薯落塗毋驚爛
han-tsî lo̍h-thôo m̄-kiann nuā
只求枝葉代代湠
tsí kiû ki hio̍h tāi-tāi thuànn
看無家己為人群
khuànn-bô ka-kī uī jîn-kûn
前途只靠臺灣魂
tsiân-tôo tsí khò Tâi-uân-hûn
