無講再會的再會
《無講再會的再會》Bô Kóng Tsài-huē ê Tsài-huē
鄔兆邦Oo Tiāu-pang(郭健一Kueh Kiàn-it)
——————————————
緣份如雲隨風來
iân-hūn jû hûn suî hong lâi
變雨落塗順水去
piàn hōo lo̍h-thôo sūn tsuí khì
明明緣盡斷情絲
bîng-bîng iân tsīn tuān tsîng-si
偏偏夢中又相見
phian-phian bāng-tiong iū sann-kìnn
你無離開
lí bô lī-khui
無講啥原因
bô kóng siánn guân-in
無留半句字
bô lâu puànn-kù jī
敢講你有不得已
kám-kóng lí ū put-tik-í
為何一別心無回
uī-hô it-pia̍t sim bô huê
無講再會的再會
bô kóng tsài-huē ê tsài-huē
聽講你變做別人的四配
thiann-kóng lí piàn-tsuè pa̍t-lâng ê sù-phuè
毋知日子敢好過
m̄-tsai ji̍t-tsí kám hó-kuè
雖然無緣咱命底
sui-jiân bô-iân lán miā-té
雖然伊將我代替
sui-jiân i tsiong guá tāi-thè
祝你蹛在幸福地
tsiok lí tuà tsāi hīng-hok tē
一生快樂濟
it-sing khuài-lo̍k tsuē
好老尾
hó lāu-bué
