平凡
《平凡》Pîng-huân
慕容婕柃Bōo-iông Tsia̍t-lîng
——————————————
一粒平凡的心
tsi̍t-lia̍p pîng-huân ê sim
一款平凡的日子
tsi̍t-khuán pîng-huân ê ji̍t-tsí
有人拚有人愛贏
ū-lâng piànn ū-lâng ài iânn
你的選擇阮知影
lí ê suán-ti̍k gún tsai-iánn
看足平凡的命
khuànn tsiok pîng-huân ê miā
一步登天的戇囝
tsi̍t-pōo ting-thian ê gōng-kiánn
你若輸
lí nā su
阮也陪伴
gún iā puê-phuānn
鹹酸苦澀做陣行
kiâm-sng khóo-siap tsuè-tīn kiânn
天落雨
thinn lo̍h-hōo
也有厝會來閘雨
iā ū tshù ē lâi tsa̍h-hōo
你若跋倒
lí nā pua̍h-tó
也有阮會來照顧
iā ū gún ē lâi tsiàu-kòo
一生註定的風光
it-sing tsù-tiānn ê hong-kong
阮愛平凡你愛傱
gún ài pîng-huân lí ài tsông
若衝甲過頭雄
nā tshiong kah kuè-thâu hiông
得著敢是愛的果
tit–tio̍h kám-sī ài ê kó
平凡的路
pîng-huân ê lōo
做著咱也該做
tsò–tio̍h lán iā kai tsò
一生平平安安
it-sing pîng-pîng-an-an
平凡一生也快樂
pîng-huân it-sing iā khuài-lo̍k
