中壇元帥太子爺
《中壇元帥太子爺》Tiong-tuânn-guân-suè Thài-tsú-iâ
樂火樂團Lo̍k-hué Ga̍k-thuân
—————————————–
跤踏風火輪
kha ta̍h hong-hué-lûn
身幔混天綾
sin mua hūn-thian-lîng
手提乾坤火尖槍
tshiú the̍h khiân-khun hué-tsiam-tshiunn
五營神將的統領
gōo-iânn sîn-tsiòng ê thóng-lîng
千年傳說
tshian-nî thuân-sueh
哪吒靈珠來轉世
Lô-tshia lîng-tsu lâi tsuán-sè
母親懷胎三年六個月
bú-tshin huâi-thai sann-nî la̍k kò-gue̍h
七歲能神通
tshit-huè lîng sîn-thong
大鬧東龍王
tāi nāu Tang-lîng-ông
為著贖罪
uī-tio̍h sio̍k-tsuē
刻骨割肉報雙親
khik kut kuah bah pò siang-tshin
太乙真人將伊蓮花化身
Thài-it-tsin-jîn tsiong i lián-hue huà-sin
東南西北中
tang-lâm sai-pak tiong
掌五營
tsiáng gōo-iânn
囡仔的身體永保赤心
gín-á ê sin-thé íng pó tshiah-sim
志氣威震天庭
tsì-khì ui tsìn thian-tîng
中壇元帥李哪吒
Tiong-tuânn-guân-suè Lí-lô-tshia
托塔天王第三囝
Thuh-thah-thian-ông tē-sann kiánn
開路先鋒伊上奢颺
khui-lōo sian-hong i siōng tshia-iānn
天降神威平安行
thian kàng sîn-ui pîng-an kiânn
中壇元帥太子爺
Tiong-tuânn-guân-suè Thài-tsú-iâ
守護囡仔平安大
siú-hōo gín-á pîng-an tuā
降妖伏魔伊上扭掠
hâng-iau ho̍k-môo i siōng liú-lia̍h
招財又賜福
tsiau-tsâi iū sù-hok
逐家攏好額
ta̍k-ke lóng hó-gia̍h
