花媠人青春
《花媠人青春》Hue Suí Lâng Tshing-tshun
黃妍莠N̂g Gián-siù
——————————————
我人生轉斡的所在
guá jîn-sing tńg-uat ê sóo-tsāi
佮你來熟似
kah lí lâi si̍k-sāi
性命從此加添色彩
sìnn-miā tsiông-tshú ka-thiam sik-tshái
感受你的愛
kám-siū lí ê ài
阮一生交予你安排
gún it-sing kau hōo lí an-pâi
充滿著精彩
tshiong-buán tio̍h tsing-tshái
簡簡單單
kán-kán-tan-tan
真實的愛
tsin-si̍t ê ài
心頭也自在
sim-thâu iā tsū-tsāi
人生啥人無風佮雨
jîn-sing siánn-lâng bô hong kah hōo
上驚無人照顧
siōng kiann bô-lâng tsiàu-kòo
只要咱
tsí-iàu lán
心連心手牽手
sim liân-sim tshiú khan-tshiú
行出光明的路
kiânn tshut kong-bîng ê lōo
你是我快樂的靈魂
lí sī guá khuài-lo̍k ê lîng-hûn
像蝴蝶弄花粉
tshiūnn ôo-tia̍p lāng hue-hún
你像露水將阮滋潤
lí tshiūnn lōo-tsuí tsiong gún tsu-jūn
花媠人青春
hue suí lâng tshing-tshun
