肩胛頭
《肩胛頭》King-kah-thâu
楊惠雯Iûnn Huī-bûn
汪晴Ong Tsîng
——————————————
我欲共你綴牢牢
guá bueh kā lí tuè tiâu-tiâu
臺灣尾行到臺灣頭
Tâi-uân-bué kiânn kàu Tâi-uân-thâu
山珍海味食袂了
san-tin hái-bī tsia̍h buē-liáu
心情輕鬆規下晝
sim-tsîng khin-sang kui ē-tàu
我欲綴你拋拋走
guá bueh tuè lí pha-pha-tsáu
沿路風景看透透
iân-lōo hong-kíng khuànn thàu-thàu
因為有你踮背後
in-uī ū lí tiàm puē-āu
做我的肩胛頭
tsuè guá ê king-kah-thâu
倚靠倚靠你的肩胛頭
uá-khò uá-khò lí ê king-kah-thâu
因為你啥物攏會曉
in-uī lí siánn-mih lóng ē-hiáu
倚靠倚靠你的肩胛頭
uá-khò uá-khò lí ê king-kah-thâu
你啥物攏上𠢕
lí siánn-mih lóng siōng gâu
倚靠倚靠你的肩胛頭
uá-khò uá-khò lí ê king-kah-thâu
你講的話攏有效
lí kóng ê uē lóng ū-hāu
倚靠倚靠你的肩胛頭
uá-khò uá-khò lí ê king-kah-thâu
我我我我
guá guá guá guá
欲陪你到老
beh puê lí kàu lāu
肩胛頭啊肩胛頭
king-kah-thâu–ah king-kah-thâu
你是我的枕頭
lí sī guá ê tsím-thâu
肩胛頭啊肩胛頭
king-kah-thâu–ah king-kah-thâu
有你我就袂無聊
ū lí guá tiō buē bô-liâu
—
有你我就袂無聊
ū lí guá tiō buē bô-liâu
