破碎的影片
《破碎的影片》Phò-tshuì ê Iánn-phìnn
琳娜Lîm-ná(林娜)
——————————————
佇複雜的感情世界中
tī ho̍k-tsa̍p ê kám-tsîng sè-kài tiong
啥物叫做悲傷佮幸福
siánn-mih kiò-tsuè pi-siong kah hīng-hok
一時選擇錯誤的路
tsi̍t-sî suán-ti̍k tshò-gōo ê lōo
你的艱苦別人毋是無
lí ê kan-khóo pa̍t-lâng m̄-sī bô
有偌濟情人佮翁仔某
ū guā-tsuē tsîng-jîn kah ang-á-bóo
搬著虛情假愛的戲局
puann tio̍h hi-tsîng ké-ài ê hì-kio̍k
日子空虛佮寂寞
ji̍t-tsí khang-hi kah tsi̍k-bo̍k
毋甘放手的是
m̄-kam pàng-tshiú–ê sī
太濟的包袱
thài tsuē ê pau-ho̍k
每擺唱著這首歌
muí-pái tshiùnn tio̍h tsit siú kua
心肝陣陣一直疼
sim-kuann tsūn-tsūn it-ti̍t thiànn
毋管啥人的心情
m̄-kuán siánn-lâng ê sim-tsiânn
總愛勇敢過生活
tsóng ài ióng-kám kuè sing-ua̍h
繁華失落毋免驚
huân-huâ sit-lo̍h m̄-bián kiann
青春漸遠隨伊行
tshing-tshun tsiām hn̄g suî i kiânn
忍受時間的折磨
jím-siū sî-kan ê tsiat-buâ
情份毋是天註定
tsîng-hūn m̄-sī thinn tsù-tiānn
