男子漢的本色
《男子漢的本色》Lâm-tsú-hàn ê Pún-sik
楊彬Iûnn Pin
——————————————
我是一个男子漢
guá sī tsi̍t-ê lâm-tsú-hàn
飄撇風度人稱讚
phiau-phiat hong-tōo lâng tshing-tsàn
朋友免怨嘆
pîng-iú bián uàn-thàn
為非做歹千萬毋通
uî-hui tsuè-pháinn tshian-bān m̄-thang
江湖兄弟逐家愛和歡
kang-ôo hiann-tī ta̍k-ke ài hô-huan
好好創造美麗人生觀
hó-hó tshòng-tsō bí-lē jîn-sing-kuan
趁少年拍拚事業
thàn siàu-liân phah-piànn sū-gia̍p
才會予人尊重咱
tsiah ē hōo-lâng tsun-tiōng lán
除暴安良的好人
tû-pō an-liông ê hó-lâng
才是男子漢
tsiah-sī lâm-tsú-hàn
你若叫做男子漢
lí nā kiò-tsuè lâm-tsú-hàn
愛有意志佮希望
ài ū ì-tsì kah hi-bāng
朋友免怨嘆
pîng-iú bián uàn-thàn
拍拚前途光明燦爛
phah-piànn tsiân-tôo kong-bîng tshàn-lān
江湖兄弟千萬毋通冤
kang-ôo hiann-tī tshian-bān m̄-thang uan
好好造福社會的人人
hó-hó tsō-hok siā-huē ê lâng-lâng
男子漢盡孝盡忠
lâm-tsú-hàn tsīn-hàu tsīn-tiong
互相鼓勵佮疼痛
hōo-siong kóo-lē kah thiànn-thàng
做著善良的好人
tsuè tio̍h siān-liông ê hó-lâng
才是男子漢
tsiah-sī lâm-tsú-hàn
