成功的志氣
《成功的志氣》Sîng-kong ê Tsì-khì
楊哲Iûnn Tiat
——————————————
成功無近路
sîng-kong bô kīn-lōo
嘛無登天的樓梯
mā bô ting-thian ê lâu-thui
一步閣一步
tsi̍t-pōo koh tsi̍t-pōo
汗淚摻咧滴
kuānn-luī tsham teh tih
萬丈高樓靠地基
bān-tn̄g ko-lâu khò tē-ki
底蒂較贏八字
té-tì khah iânn pueh-jī
跤踏實地毋捌袂記
kha ta̍h si̍t-tē m̄-bat buē-kì
我親像
guá tshin-tshiūnn
一枝穿雲箭
tsi̍t-ki tshuan-hûn-tsìnn
滿腹雄心佮壯志
muá-pak hiông-sim kah tsòng-tsì
待風雲一聲雷
thāi hong-hûn tsi̍t-siann luî
響動天地彼一日
hiáng-tōng thinn-tē hit-tsi̍t-ji̍t
我有衝天的志氣
guá ū tshiong-thian ê tsì-khì
拚出頭頂一片天
piànn tshut thâu-tíng tsi̍t-phìnn thinn
功成名就啊伴相隨
kong sîng bîng tsiū–ah phuānn-siong-suî
毋驚考驗無膽志
m̄-kiann khó-giām bô tám-tsì
心堅定若鋼鐵
sim kian-tīng ná kǹg-thih
成功是奮鬥的意義
sing-kong sī hùn-tāu ê ì-gī
