孝女走天涯
《孝女走天涯》Hàu-lú Tsáu Thian-gâi
游小鳳Iû Sió-hōng
——————————————
秋風吹來冷心肝
tshiu-hong tshue–âi líng sim-kuann
欲過溪水水遮寒
beh kè khe-tsuí tsuí tsiah kuânn
為著爸母也著行
uī-tio̍h pē-bú iā tio̍h kiânn
放捒幸福受孤單
pàng-sak hīng-hok siū koo-tuann
青春過了三十外
tshing-tshun kuè-liáu sann-tsa̍p guā
毋願學人落煙花
m̄-guān o̍h lâng lo̍h ian-hua
雖然酒家好趁食
sui-jiân tsiú-ka hó thàn-tsia̍h
予人批評歹名聲
hōo-lâng phue-phîng pháinn miâ-siann
爸母若是來知影
pē-bú nā sī lâi tsai-iánn
敢著拍甲煞跛跤
kánn tio̍h phah kah suah pái-kha
若欲求人鬥幫忙
nā bueh kiû lâng tàu-pang-bâng
不如看月做眠夢
put-jû khuànn ge̍h tsuè bîn-bāng
社會現實人情空
siā-huē hiān-si̍t jîn-tsîng khang
今日有錢對你讚
kim-ji̍t ū tsînn tuì lí tsán
明日無錢毋捌人
bîng-ji̍t bô tsînn m̄-bat lâng
糙米臼來白米心
tshò-bí khū lâi pe̍h bí-sim
甘願認真無歇睏
kam-guān jīn-tsin bô hioh-khùn
石頭也會打成金
tsio̍h-thâu iā ē tá-sîng kim
一年過了一年春
tsi̍t-nî kè-liáu tsi̍t-nî tshun
才知艱苦好收成
tsiah tsai kan-khóo hó siu-sîng
流浪天涯有五年
liû-lōng thian-gâi ū gōo-nî
受盡苦楚出頭天
siū-tsīn khóo-tshóo tshut-thâu-thinn
火車毋坐坐飛機
hé-tshia m̄ tsē tsē hui-ki
三步四斡行入去
sann-pōo sì-uat kiânn–ji̍p-khì
見著爸母煞流淚
kìnn-tio̍h pē-bú suah lâu-luī
