夜半的高速公路
《夜半的高速公路》Iā-puànn ê Ko-sok-kong-lōo
黃新桐N̂g Sin-tông
——————————————
悲哀的戀夢
pi-ai ê luân-bāng
親像夜霧白茫茫
tshin-tshiūnn iā-bū pe̍h-bâng-bâng
怎樣離開兩三冬
tsuánn-iūnn lī-khui nn̄g-sann tang
猶原想起你一人
iu-guân siūnn-khí lí tsi̍t-lâng
攑頭來看著車窗
gia̍h-thâu lâi khuànn-tio̍h tshia-thang
你的形影咧振動
lí ê hîng-iánn teh tín-tāng
夜半的高速公路
iā-puànn ê ko-sok-kong-lōo
啊~親像烏暗巷
ah~ tshin-tshiūnn oo-àm-hāng
粉紅的喙脣
hún-âng ê tshuì-tûn
害阮想你失了魂
hāi gún siūnn lí sit liáu hûn
點著一枝長壽薰
tiám tio̍h tsi̍t-ki tiông-siū-hun
心肝愈想愈鬱悶
sim-kuann jú siūnn jú ut-būn
攑頭看見著烏雲
gia̍h-thâu khuànn-kìnn tio̍h oo-hûn
親像是伊咧看阮
tshin-tshiūnn sī i teh khuànn gún
夜半的高速公路
iā-puànn ê ko-sok-kong-lōo
啊~痴戀是命運
ah~ tshi-luân sī miā-ūn
一切的美夢
it-tshè ê bí-bāng
若欲當做是眠夢
nā beh tòng-tsuè sī bîn-bāng
為何離開兩三冬
uī-hô lī-khui nn̄g-sann tang
怎會閣來想起你
tsuánn ē koh lâi siūnn-khí lí
攑頭來看著車窗
gia̍h-thâu lâi khuànn-tio̍h tshia-thang
你的形影咧振動
lí ê hîng-iánn teh tín-tāng
夜半的高速公路
iā-puànn ê ko-sok-kong-lōo
啊~親像烏暗巷
ah~ tshin-tshiūnn oo-àm-hāng
