吉他戀歌
《吉他戀歌》Gì-tah Luân-kua
黃三元N̂g Sam-guân
——————————————
無星的月暗暝
bô tshinn ê ge̍h-àm-mî
加添阮稀微
ka-thiam gún hi-bî
孤單來繁華都市
koo-tuann lâi huân-huâ too-tshī
流浪過日子
liû-lōng kè ji̍t-tsí
寒冷的春風吹來
hân-líng ê tshun-hong tshue–lâi
予阮心空虛
hōo gún sim khang-hi
等何時才會
tán hô-sî tsiah ē
閣再佮伊來相會
koh-tsài kah i lâi siong-huē
吉他若彈出來
gì-tah nā tuânn–tshut-lâi
琴聲也悲哀
khîm-siann iā pi-ai
歌聲也帶著目屎
kua-siann iā tuà tio̍h ba̍k-sái
流浪的吉他
liû-lōng ê gì-tah
心愛的彼个姑娘
sim-ài ê hit ê koo-niû
踮在阮身邊
tiàm-tsāi gún sin-pinn
請你來聽著
tshiánn lí lâi thiann tio̍h
我的吉他的戀歌
guá ê gì-tah ê luân-kua
手提著伊的相片
tshiú the̍h tio̍h i ê siòng-phìnn
叫著伊名字
kiò tio̍h i miâ-jī
為怎樣一場美夢
uī-tsuánn-iūnn tsi̍t-tiûnn bí-bāng
至今變成空
tsì-kim piàn-sîng khang
雖然在異鄉城市
sui-jiân tsāi ī-hiong siânn-tshī
猶原思念你
iu-guân su-liām lí
原諒我毋是
guân-liōng guá m̄-sī
一个無情男兒
tsi̍t-ê bô-tsîng lâm-jî
