兩个某真艱苦
《兩个某真艱苦》Nn̄g-ê Bóo Tsin Kan-khóo
黃秋田N̂g Tshiu-tiân
——————————————
一時愛風流
tsi̍t-sî ài hong-liû
造成了錯誤
tsō-sîng liáu tshò-gōo
一時來糊塗
tsi̍t-sî lâi hôo-tôo
才來咧艱苦
tsiah lâi teh kan-khóo
啊!兩个某真艱苦
ah! nn̄g-ê bóo tsin kan-khóo
娶兩个某真艱苦
tshuā nn̄g-ê bóo tsin kan-khóo
實在真艱苦
si̍t-tsāi tsin kan-khóo
若是想起著當初
nā sī siūnn-khí tio̍h tong-tshoo
反悔也無步
huán-hué iā bô-pōo
↓↓(口白)—(口白)—(口白)↓↓
人咧講
lâng teh kóng
無某真艱苦
bô bóo tsin kan-khóo
欲睏著愛攬被股
beh khùn tio̍h-ài lám phuē-kóo
但是我
tān-sī guá
我有兩个某
guá ū nn̄g-ê bóo
顛倒無人來照顧
tian-tò bô-lâng lâi tsiàu-kòo
有時著愛睏空鋪
ū-sî tio̍h-ài khùn khang phoo
有時著愛餓腹肚
ū-sî tio̍h-ài gō pak-tóo
啊!早若知影有今仔日
ah! tsá nā tsai-iánn ū kin-á-ji̍t
何必著當初咧
hô-pit tio̍h tong-tshoo–teh
↑↑(口白)—(口白)—(口白)↑↑
大某暝日亂
tuā-bóo mê-ji̍t luān
細姨暝日管
sè-î mî-ji̍t kuán
生活像死犯
sing-ua̍h tshiūnn sí-huān
夜夜心操煩
iā-iā sim tshiau-huân
啊!兩个某誠艱苦
ah! nn̄g-ê bóo tsiânn kan-khóo
娶兩个某無溫暖
tshuā nn̄g-ê bóo bô un-luán
實在無溫暖
si̍t-tsāi bô un-luán
敢是前世結死冤
kám-sī tsîng-sè kiat sí-uan
想著凝心煩
siūnn-tio̍h gîng-sim huân
↓↓(口白)—(口白)—(口白)↓↓
大的啊
tuā–ê ah
你的吵鬧聲
lí ê tsháu-nāu siann
我實在已經無辦法矣啦
guá si̍t-tsāi í-king bô pān-huat–ah lah
細的啊
sè–ê ah
你彼號無理的要求乎
lí hit-lō bô-lí ê iau-kiû–honnh
我已經贊袂牢矣啦
guá í-king tsàn bē-tiâu–ah lah
啊!娶兩个某
ah! tshuā nn̄g-ê bóo
實在真艱苦啦
si̍t-tsāi tsin kan-khóo–lah
↑↑(口白)—(口白)—(口白)↑↑
吵鬧的日子
tsháu-nāu ê ji̍t-tsí
哪會有安寧
ná ē ū an-lîng
溫暖的家庭
un-luán ê ka-tîng
如今變不幸
jû-kim piàn put-hīng
啊!兩个某誠艱苦
ah! nn̄g-ê bóo tsiânn kan-khóo
娶兩个某真不幸
tshuā nn̄g-ê bóo tsin put-hīng
實在真不幸
si̍t-tsāi tsin put-hīng
前途已經來註定
tsiân-tôo í-king lâi tsù-tīng
烏暗失光明
oo-àm sit kong-bîng
