高鐵臺中站
《高鐵臺中站》Ko-thih Tâi-tiong-tsām
陳美玲Tân-bí-lîng(亞忻A-him)
——————————————
落南高鐵到車站
lo̍h-lâm ko-thih kàu tshia-tsām
一幫過一幫
tsi̍t-pang kuè tsi̍t-pang
阮攏看無心愛你一人
gún lóng khuànn-bô sim-ài lí tsi̍t-lâng
阮分分思念秒秒等
gún hun-hun su-liām bió-bió tán
山盟海誓無彩工
san-bîng hái-sè bô-tshái-kang
戀夢變成空
luân-bāng piàn-sîng khang
孤單兩字囥心房
koo-tuann nn̄g-jī khǹg sim-pâng
想著目箍紅
siūnn-tio̍h ba̍k-khoo âng
阮踮月臺毋驚霜風凍
gún tiàm gua̍t-tâi m̄-kiann sng-hong tàng
為你為你甘願等
uī lí uī lí kam-guān tán
—
心愛的你敢知影
sim-ài–ê lí kám tsai-iánn
高鐵臺中站
ko-thih Tâi-tiong tsām
有一个等待你的人
ū tsi̍t-ê tán-thāi lí ê lâng
