難忘的落雨暝
《難忘的落雨暝》Lân-bōng ê Lo̍h-hōo-mî
游小鳳Iû Sió-hōng
——————————————
雨水滴在玻璃窗
hōo-tsuí tih tsāi po-lê-thang
引我想起彼个人
ín guá siūnn-khí hit ê lâng
彼日佮伊相逢
hit-ji̍t kah i siong-hông
也是踮在落雨天
iā-sī tiàm-tsāi lo̍h-hōo-thinn
難忘的落雨暝
lân-bōng ê lo̍h-hōo-mî
請你替阮傳心意
tshiánn lí thè gún thuân sim-ì
心愛的緊轉來
sim-ài–ê kín tńg–lâi
趕緊轉來阮身邊
kuánn-kín tńg-lâi gún sin-pinn
雨水滴在西樓窗
hōo-tsuí tih tsāi se-lâu thang
引我思念你一人
ín guá su-liām lí tsi̍t-lâng
孤單無伴心茫茫
koo-tuann bô-phuānn sim bâng-bâng
害阮心內真沉重
hāi gún sim-lāi tsin tîm-tāng
難忘的落雨暝
lân-bōng ê lo̍h-hōo-mî
請你替阮做媒人
tshiánn lí thè gún tsuè muê-lâng
心愛的緊轉來
sim-ài–ê kín tńg–lâi
哪通害阮心茫茫
ná thang hāi gún sim bâng-bâng
