緣來相意愛
《緣來相意愛》Iân Lâi Sio Ì-ài
陳美玲Tân-bí-lîng(亞忻A-him)
——————————————
一見鍾情來熟似
it-kiàn tsiong-tsîng lâi si̍k-sāi
對你付出真情愛
tuì lí hù-tshut tsin tsîng-ài
為何你攏無了解
uī-hô lí lóng bô liáu-kái
當初若莫來熟似
tong-tshoo nā mài lâi si̍k-sāi
也免如今心悲哀
iā bián jû-kim sim pi-ai
兩人袂當仝心肝
nn̄g-lâng buē-tàng kāng sim-kuann
六月天氣感覺寒
la̍k-gue̍h thinn-khì kám-kak kuânn
熱情追求你毋看
jia̍t-tsîng tui-kiû lí m̄ khuànn
冷冷的心像冰山
líng-líng ê sim tshiūnn ping-suann
寂寞孤單的形影
tsi̍k-bo̍k koo-tuann ê hîng-iánn
三聲無奈真悲哀
sann-siann bô-nāi tsin pi-ai
夢中相見夜夜來
bāng-tiong sann-kìnn iā-iā lâi
萬般攏是天安排
bān-puann lóng-sī thinn an-pâi
望等緣來相意愛
bāng tán iân lâi sio ì-ài
結成連理好將來
kiat-sîng liân-lí hó tsiong-lâi
