相思債
《相思債》Siunn-si Tsè
陳美玲Tân-bí-lîng(亞忻A-him)
——————————————
為你心醉痴情袂改
uī lí sim tsuì tshi-tsîng buē kái
情海中啥人會了解
tsîng-hái tiong siánn-lâng ē liáu-kái
苦苦的等待
khóo-khóo ê tán-thāi
等無你的愛
tán-bô lí ê ài
情線已斷
tsîng-suànn í tn̄g
目屎滴落來
ba̍k-sái tih–lo̍h-lâi
一生孤徘徊
it-sing koo pâi-huê
行袂出相思的苦海
kiânn buē-tshut siunn-si ê khóo-hái
千千萬萬無奈的感慨
tshian-tshian-bān-bān bô-nāi ê kám-khài
較輸我的愛只有在夢內
khah-su guá ê ài tsí-ū tsāi bāng-lāi
我願意長暝毋願醒來
guá guān-ì tn̂g-mî m̄-guān tshínn–lâi
啊~今生無緣來相愛
ah~ kim-sing bô-iân lâi siong-ài
相思債已經束縛阮心內
siunn-si tsè í-king sok-pa̍k gún sim-lāi
