痛苦啥人知
《痛苦啥人知》Thòng-khóo Siánn-lâng Tsai
傅秋子Pòo Tshiu-tsú
——————————————
目屎若無流出來
ba̍k-sái nā bô lâu–tshut-lâi
心情袂清彩
sim-tsîng buē tshing-tshái
一點一滴囥腹內
tsi̍t-tiám-tsi̍t-tih khǹg pak-lāi
百般的忍耐
pah-puann ê jím-nāi
捾著燒酒一直栽
kuānn tio̍h sio-tsiú it-ti̍t tsai
痛苦啥人知
thòng-khóo siánn-lâng tsai
抱著女性的氣概
phō tio̍h lú-sìng ê khì-khài
毋願對人訴悲哀
m̄-guān tuì lâng sòo pi-ai
無論是啥物委屈
bô-lūn sī siánn-mih uí-khut
猶原著忍耐
iu-guân tio̍h jím-nāi
只有是暗暗期待
tsí-ū-sī àm-àm kî-thāi
早日出苦海
tsá-ji̍t tshut khóo-hái