有笑容的目屎
《有笑容的目屎》Ū Tshiò-iông ê Ba̍k-sái
傅振輝Pòo Tsín-hui
羅萍Lô Phîng
——————————————
離別的時陣
lî-pia̍t ê sî-tsūn
毋願來流出著傷心珠淚滴
m̄-guān lâi lâu-tshut tio̍h siong-sim tsu-luī-tih
因為阮無希望
in-uī gún bô hi-bāng
加添著伊離別心傷悲
ka-thiam tio̍h i lî-pia̍t sim siong-pi
想欲忍著珠淚
siūnn-beh jím tio̍h tsu-luī
現笑容對待伊
hiàn tshiò-iông tuì-thāi i
猶原也珠淚滴流出目墘
iu-guân iā tsu-luī-tih lâu-tshut ba̍k-kînn
知影有今日的分離
tsai-iánn ū kim-ji̍t ê hun-lî
心情上應該早著準備
sim-tsîng siōng ing-kai tsá tio̍h tsún-pī
因為阮毋願看伊
in-uī gún m̄-guān khuànn i
為阮來心傷悲
uī gún lâi sim siong-pi
失去了伊的決心
sit-khì liáu i ê kuat-sim
伊的勇氣
i ê ióng-khì
雖然你聲聲安慰著阮
sui-jiân lí siann-siann an-uì tio̍h gún
叫阮等伊轉來
kiò gún tán i tńg–lâi
阮也有相信伊對阮
gún iā ū siong-sìn i tuì gún
抱著堅定好情意
phō tio̍h kian-tīng hó tsîng-ì
所以忍著珠淚
sóo-í jím tio̍h tsu-luī
現笑容對待伊
hiàn tshiò-iông tuì-thāi i
猶原也珠淚滴流出目墘
iu-guân iā tsu-luī-tih lâu-tshut ba̍k-kînn
