拖磨
《拖磨》Thua-buâ
陳亮吟Tân Liōng-gîm
——————————————
一个人
tsi̍t-ê-lâng
無你佇身邊
bô lí tī sin-pinn
任何時
jīm-hô sî
心攏會想起你
sim lóng ē siūnn-khí lí
愈寂寞愈堅持
jú tsi̍k-bo̍k jú kian-tshî
愈孤單愈想你
jú koo-tuann jú siūnn lí
你是阮性命中的唯一
lí sī gún sìnn-miā tiong ê uî-it
啊~無論世事怎變化
ah~ bô-lūn sè-sū tsuánn piàn-huà
甘願為著愛拖磨
kam-guān uī-tio̍h ài thua-buâ
啊~毋驚風雨有偌大
ah~ m̄-kiann hong-hōo ū guā tuā
你是阮上甜蜜的牽掛
lí sī gún siōng tinn-bi̍t ê khian-kuà
