愈來愈好
《愈來愈好》Jú-lâi-jú Hó
喬幼Kiâu Iù
——————————————
春風吹來桃花開
tshun-hong tshue lâi thô-hue khui
蝴蝶蜜蜂伴相隨
ôo-tia̍p bi̍t-phang phuānn-sio-suî
好山好水好年冬
hó suann hó tsuí hó nî-tang
好運伴著每一人
hó-ūn phuānn tio̍h muí tsi̍t-lâng
人生難免有困難
jîn-sing lân-bián ū khùn-lân
凡事希望照心願
huân-sū hi-bāng tsiàu sim-guān
堅心一工閣一工
kian-sim tsi̍t-kang koh tsi̍t-kang
只為著時來運轉
tsí uī-tio̍h sî lâi ūn tsuán
辭舊迎新好運來
sî-kū ngiâ-sin hó-ūn lâi
滿面春風笑開懷
muá-bīn tshun-hong tshiò khai-huâi
幸福到千年萬載
hīng-hok kàu tshian-nî bān-tsáinn
一切攏如你所愛
it-tshè lóng jû lí sóo ài
愈來愈好的日子
jú-lâi-jú hó ê ji̍t-tsí
一年勝過又一年
tsi̍t-nî sìng-kuè iū tsi̍t-nî
家家戶戶慶團圓
ke-ke-hōo-hōo khìng thuân-înn
人人歡喜笑咪咪
lâng-lâng huann-hí tshiò bi-bi
