山地門姑娘
《山地門姑娘》Suann-tē-mn̂g Koo-niû
陳玫君Tân Muî-kun
——————————————
山地鄉村的姑娘
suann-tē hiong-tshuan ê koo-niû
身體健康又溫柔
sin-thé kiān-khong iū un-jiû
雖然皮膚像烏人
sui-jiân phuê-hu tshiūnn oo-lâng
跳舞唱歌真內行
thiàu-bú tshiùnn-kua tsin lāi-hâng
活潑古錐
ua̍t-phuat kóo-tsui
有情有義
ū-tsîng ū-gī
快快樂樂拍拚做工
khuài-khuài-lo̍k-lo̍k phah-piànn tsuè-kang
刻苦耐勞心情輕鬆
khik-khóo nāi-lô sim-tsîng khin-sang
彈著吉他唸歌詩
tuânn tio̍h gì-tah liām kua-si
使人難忘懷念伊
sú-lâng lân-bōng huâi-liām i
山地門姑娘
Suann-tē-mn̂g koo-niû
山地門姑娘
Suann-tē-mn̂g koo-niû
臺灣屏東山地門
Tâi-uân Pîn-tong Suann-tē-mn̂g
寶島觀光好地方
pó-tó kuan-kong hó tē-hng
山路彎彎若長江
suann-lōo uan-uan ná tn̂g-kang
溪邊滿開花清芳
khe-pinn muá-khui hue tshing-phang
草木青青
tsháu-bo̍k tshinn-tshinn
鳥聲叫啼
tsiáu-siann kiò-thî
山地姑娘抹粉點胭脂
suann-tē koo-niû buah-hún tiám-ian-tsi
漂亮可比美麗花枝
phiau-liāng khó-pí bí-lē hue-ki
慶祝豐年的時期
khìng-tsiok hong-liân ê sî-kî
歡喜跳舞唸歌詩
huann-hí thiàu-bú liām kua-si
山地門姑娘
Suann-tē-mn̂g koo-niû
山地門姑娘
Suann-tē-mn̂g koo-niû
