姨仔的查某囝
《姨仔的查某囝》Ζá ê Tsa-bóo-kiánn
陳美玲Tân-bí-lîng(亞忻A-him)
——————————————
你是阮今生
lí sī gún kim-sing
唯一的避風港
uî-it ê pī-hong-káng
親像燈塔發出的光線
tshin-tshiūnn ting-thah huat-tshut ê kng-suànn
𤆬阮一步一步
tshuā gún tsi̍t-pōo-tsi̍t-pōo
向前行
hiòng-tsiân kiânn
相依為命
siong-i uî-bīng
辛苦共阮晟
sin-khóo kā gún tshiânn
你用青春提來換
lí iōng tshing-tshun the̍h lâi uānn
毋驚別人按怎看
m̄-kiann pa̍t-lâng án-tsuánn khuànn
是阮偉大的媽媽
sī gún uí-tāi ê ma-ma
歲月留佇面上是皺痕
suè-gua̍t lâu tī bīn-siōng sī jiâu-hûn
姨仔
î–á
我是你上疼的查某囝
guá sī lí siōng thiànn ê tsa-bóo-kiánn
學你的堅強
o̍h lí ê kian-kiông
艱苦家己擔
kan-khóo kā-tī tann
對阮的恩情
tuì gún ê un-tsîng
比天閣較大
pí thinn koh-khah tuā
我會永遠將你
guá ē íng-uán tsiong lí
囥佇阮心肝
khǹg tī gún sim-kuann
