一帆風順
《一帆風順》It-phâng Hong Sūn
喬幼Kiâu Iù
——————————————
世間遐爾大
sè-kan hiah-nī tuā
世事多變化
sè-sū to piàn-huà
世情冷暖
sè-tsîng líng-luán
好䆀攏嘛佔一半
hó-bái lóng-mā tsiàm tsi̍t-puànn
人海遮開闊
jîn-hái tsiah khui-khuah
人心免相瞞
jîn-sim bián sio-muâ
人情一線
jîn-tsîng tsi̍t-suànn
留予上天做裁判
lâu hōo siōng-thinn tsuè tshâi-phuànn
風一停雨一煞
hong tsi̍t-thîng hōo tsi̍t-suah
往事何必越頭看
óng-sū hô-pit ua̍t-thâu khuànn
酒一場夢一攤
tsiú tsi̍t-tiûnn bāng tsi̍t-thuann
世事本是在人搬
sè-sū pún sī tsāi-lâng puann
路一條歌一段
lōo tsi̍t-tiâu kua tsi̍t-tuānn
心事繼續照步行
sim-sū kè-sio̍k tsiàu-pōo kiânn
手一擛笑一聲
tshiú tsi̍t-ia̍t tshiò tsi̍t-siann
故事我就講到遮
kòo-sū guá tiō kóng kàu tsia
從今以後
tsiông-kim í-āu
順其自然免驚惶
sūn kî tsū-jiân bián kiann-hiânn
重新閣開始
tiông-sin koh khai-sí
一帆風順
it-phâng hong sūn
大聲唱咱的歌
tuā-siann tshiùnn lán ê kua
