將心比心
《將心比心》Tsiong Sim Pí Sim
郭美君Kueh Bí-kun
——————————————
現實的社會
hiān-si̍t ê siā-huē
冷暖的人生
líng-luán ê jîn-sing
需要義理佮人情
su-iàu gī-lí kah jîn-tsîng
坎坷的人生路
khám-khia̍t ê jîn-sing lōo
總會有風湧
tsóng ē ū hong-íng
你我應該來相楗
lí guá ing-kai lâi sio-kīng
世間名利如浮雲
sè-kan bîng-lī jû phû-hûn
萬項計較啥路用
bān-hāng kè-kàu siánn lōo-īng
毋免怨運命
m̄-bián uàn ūn-miā
毋免嘆不幸
m̄-bián thàn put-hīng
拍拚總有好前程
phah-piànn tsóng ū hó tsiân-thîng
毋通理袂清
m̄-thang lí buē-tshing
毋通心袂平
m̄-thang sim buē-pîng
將心比心相牽成
tsiong sim pí sim sio khan-sîng
