愛你一人
《愛你一人》Ài Lí Tsi̍t-lâng
張秀卿Tiunn Siù-khing
——————————————
情書一封一封
tsîng-su tsi̍t-hong-tsi̍t-hong
滿腹思念
muá-pak su-liām
阮想欲講予你知影
gún siūnn-beh kóng hōo lí tsai-iánn
無你踮身邊
bô lí tiàm sin-pinn
生活真孤單
sing-ua̍h tsin koo-tuann
期待佮寂寞
kî-thāi kah tsi̍k-bo̍k
一半一半
tsi̍t-puànn-tsi̍t-puànn
情話一聲一聲
tsîng-uē tsi̍t-siann-tsi̍t-siann
攏講袂煞
lóng kóng buē-suah
你敢有每工攏想我
lí kám ū muí-kang lóng siūnn guá
咱的關係
lán ê kuan-hē
就親像針佮線
tiō tshin-tshiūnn tsiam kah suànn
千萬毋通
tshian-bān m̄-thang
予環境拆分散
hōo khuân-kíng thiah hun-suànn
踮繁華的世間
tiàm huân-huâ ê sè-kan
阮只愛你一人
gún tsí ài lí tsi̍t-lâng
等待你轉來
tán-thāi lí tńg-lâi
陪阮看春夏秋冬
puê gún khuànn tshun-hā tshiu-tang
期待著彼个夢
kî-thāi tio̍h hit ê bāng
期待著彼一工
kî-thāi tio̍h hit tsi̍t-kang
莫閣分開
mài koh hun-khui
永遠對對雙雙
íng-uán tuì-tuì siang-siang
阮只愛你一人
gún tsí ài lí tsi̍t-lâng
