三心兩意
《三心兩意》Sam-sim-lióng-ì
張秀卿Tiunn Siù-khing
——————————————
有時陣輕聲細語
ū-sî-tsūn khin-siann sè-gí
有時陣對我無所謂
ū-sî-tsūn tuì guá bû-sóo-uī
毋知影你的心內
m̄ tsai-iánn lí ê sim-lāi
是將阮囥咧啥物地位
sī tsiong gún khǹg teh siánn-mih tē-uī
看別人糖甘蜜甜
khuànn pa̍t-lâng thn̂g-kam bi̍t-tinn
為何咱兩人無滋無味
uī-hô lán nn̄g-lâng bô-tsu-bô-bī
敢講你對阮的愛
kám-kóng lí tuì gún ê ài
只是暫時
tsí-sī tsiām-sî
你總是三心兩意
lí tsóng-sī sam-sim lióng-ì
毋願意講一句我愛你
m̄ guān-ì kóng tsi̍t-kù guá ài lí
海誓佮山盟
hái-sè kah san-bîng
對別人隨便就講出喙
tuì pa̍t-lâng suî-piān tiō kóng tshut-tshuì
親像斷線的風吹
tshin-tshiūnn tn̄g-suànn ê hong-tshue
毋知你到底
m̄ tsai lí tàu-té
欲對佗位飛
beh uì tó-uī pue
只有孤單
tsí-ū koo-tuann
為你傷心吼規暝
uī lí siong-sim háu kui-mî
