黃昏追想曲
《黃昏追想曲》Hông-hun Tui-sióng-khik
凌鳳君Lîng Hōng-kun
——————————————
↓↓(口白)—(口白)—(口白)↓↓
時間已經過去了兩三年囉
sî-kan í-king kuè-khì liáu nn̄g-sann nî–looh
彼段美好的戀情
hit tuānn bí-hó ê luân-tsîng
在我的記憶中
tsāi guá ê kì-ik tiong
猶原是遐爾仔鮮明
iu-guân sī hiah-nī-á sian-bîng
這个時陣
tsit ê sî-tsūn
我拍開著窗仔
guá phah-khui tio̍h thang-á
好親像看著心愛的人
hó-tshin-tshiūnn khuànn-tio̍h sim-ài ê lâng
在夕陽中
tsāi si̍k-iông tiong
佇咧向我微笑
tī-leh hiòng guá bî-tshiò
啊~我感覺
ah~ guá kám-kak
無限的甜蜜
bû-hān ê tinn-bi̍t
也使我增加了
iā sú guá tsing-ka liáu
無限的懷念
bû-hān ê huâi-liām
↑↑(口白)—(口白)—(口白)↑↑
黃昏日頭沉落山
hông-hun ji̍t-thâu tîm lo̍h-suann
拍開西樓窗
phah-khui se-lâu thang
想起初戀彼个人
siūnn-khí tshoo-luân hit ê lâng
感覺心茫茫
kám-kak sim bâng-bâng
環境造成
khuân-kíng tsō-sîng
才來分西東
tsiah lâi hun se-tang
如今若到黃昏時
jû-kim nā kàu hông-hun sî
想起伊一人
siūnn-khí i tsi̍t-lâng
↓↓(口白)—(口白)↓↓
月娘
gue̍h-niû
請你毋通笑我
tshiánn lí m̄-thang tshiò guá
假使你若知影
ká-sú lí nā tsai-iánn
愛情是啥物
ài-tsîng sī siánn-mih
你就會當了解
lí tō ē-tàng liáu-kái
我這陣的心情
guá tsit-tsūn ê sim-tsîng
↑↑(口白)—(口白)↑↑
夜風陣陣對面吹
iā hong tsūn-tsūn tuì bīn tshue
才知是深更
tsiah tsai sī tshim-kinn
月娘笑阮太痴情
gue̍h-niû tshiò gún thài tshi-tsîng
為伊睏袂去
uī i khùn buē-khì
想起較早
siūnn-khí khah-tsá
愛情糖蜜甜
ài-tsîng thn̂g-bi̍t-tinn
如今若到黃昏時
jû-kim nā kàu hông-hun sî
加添思念伊
ka-thiam su-liām i
