鏨頭長命
《鏨頭長命》Tsām-thâu Tn̂g-miā
珂拉琪Kho-la-kî
——————————————
For this will be a glorious monument for thy name,
when he shall fall by the hand of a woman.
This is your turn for termination
So pick up my sword, assassination
–
恐驚是足失望的結局
khióng-kiann sī tsiok sit-bāng ê kiat-kio̍k
聽邊仔笑破喙的聲
thiann pinn–á tshiò-phuà tshuì ê siann
怹講這个悲劇
in kóng tsit ê pi-kio̍k
是你愛擔毋才著
sī lí ài tann m̄-tsiah tio̍h
做伙死死咧嘛無差
tsò-hué sí-sí–leh mā bô-tsha
All right,
This is my turn, revolution
Pick up my sword, assassinate the man
頭前的路
thâu-tsîng ê lōo
彎彎斡斡
uan-uan-uat-uat
行踏輕聲跤步
kiânn-ta̍h khin-siann kha-pōo
月下掠你的身軀
gue̍h-hā lia̍h lí ê sin-khu
挖目睭
óo ba̍k-tsiu
喔~真快活
ooh~ tsin khuìnn-ua̍h
共你埋佇遮
kā lí tâi tī tsia
無人知
bô-lâng tsai
祝你幸福
tsiok lí hīng-hok
為你奏的歌
uī lí tsàu ê kua
你著愛綴予好
lí tio̍h-ài tuè hōo hó
莫煩惱這世間種種
mài huân-ló tse sè-kan tsióng-tsióng
無定著誠實會當看著
bô-tiānn-tio̍h tsiânn-si̍t ē-tàng khuànn-tio̍h
彼个反倒爿的人間
hit ê píng-tò-pîng ê jîn-kan
悲傷佮快樂
pi-siong kah khuài-lo̍k
全部攏還予轉來
tsuân-pōo lóng hîng hōo tńg–lâi
免閣過破空的人生
bián koh kuè phuà-khang ê jîn-sing
All right,
This is my word, complete erasure
Pick up his head, final destination
頭前的路
thâu-tsîng ê lōo
直直落去
ti̍t-ti̍t–lo̍h-khì
行踏輕鬆跤步
kiânn-ta̍h khin-sang kha-pōo
我會攢一束鮮花
guá ē tshuân tsi̍t-sok tshinn-hue
徛佇遮恬恬思念
khiā tī tsia tiām-tiām su-liām
終點禮堂聲
tsiong-tiám lé-tn̂g siann
望魂魄戇戇咧行
bāng hûn-phik gōng-gōng teh kiânn
身軀破一空
sin-khu phuà tsi̍t-khang
心肝哪會遮疼
sim-kuann ná ē tsiah thiànn
塗內的
thôo-lāi–ê
敢會是我家己
kám ē sī guá ka-kī
