蝴蝶採花芳
《蝴蝶採花芳》Ôo-tia̍p Tshái Hue-phang
徐瑰珍Tshî Kuì-tin
——————————————
蝴蝶採花芳
ôo-tia̍p tshái hue-phang
花開滿山清芳味
hue khui muá-suann tshing-phang bī
蝴蝶為花痴
ôo-tia̍p uī hue tshi
守著花蕊伴相隨
siú tio̍h hue-luí phuānn-sio-suî
在天願做比翼鳥
tsāi thian guān tsò pí-i̍k-niáu
在地願為連理枝
tsāi tē guān uî liân-lí-ki
為你痴迷為你醉
uī lí tshi-bê uī lí tsuì
阮將真愛交予你
gún tsiong tsin-ài kau hōo lí
多情夢相意愛
to-tsîng bāng sio-ì-ài
望你毋通放袂記
bāng lí m̄-thang pàng-buē-kì
今生今世結連理
kim-sing kim-sè kiat-liân-lí
