蓮花空行
《蓮花空行》Lián-hue Khong-hîng
珂拉琪Kho-la-kî
——————————————
由本自性清淨故
iû pún tsū sìng tshing-tsīng kòo
令諸愛染悉無垢
līng tsu ài jiám sik bû kóo
–
又閣是彼个
iū-koh sī hit ê
無代無誌想著的形影
bô-tāi-bô-tsì siūnn–tio̍h ê hîng-iánn
親像一陣風吹落來
tshin-tshiūnn tsi̍t-tsūn hong tshue–lo̍h-lâi
是春風少年
sī tshun-hong siàu-liân
坐嘛是思念
tsē mā sī su-liām
坐袂牢
tsē bē-tiâu
真無聊的思念
tsin bô-liâu ê su-liām
倒咧眠床頂
tó teh bîn-tshn̂g-tíng
予月娘笑規个暗暝
hōo gue̍h-niû tshiò kui-ê àm-mî
我行過你的世界
guá kiânn kuè lí ê sè-kài
啥物我攏無愛
siánn-mih guá lóng bô-ài
只想欲佇你心內
tsí siūnn-beh tī lí sim-lāi
寫一條歌
siá tsi̍t-tiâu kua
車行過怹的期待
tshia kiânn kuè in ê kî-thāi
這站閣無落來
tsit-tsām koh bô lo̍h-lâi
無想欲對誰交代
bô siūnn-beh tuì siáng kau-tài
心內驚驚
sim-lāi kiann-kiann
想著我彼暗
siūnn-tio̍h guá hit-àm
小可仔歹勢
sió-khuá-á pháinn-sè
予你揣著我
hōo lí tshuē-tio̍h guá
規身軀藏無好勢的委屈
kui-sin-khu tshàng bô hó-sè ê uí-khut
風中的飛龍咧吼
hong-tiong ê hui-liông teh háu
聲聲予天搖地動
siann-siann hōo thinn iô tē tāng
愛你的傳說寫佇頂懸
ài lí ê thuân-suat siá tī tíng-kuân
感情煞來愈飛愈懸
kám-tsîng suah lâi jú pue jú kuân
花開佇你蹛的樓
hue khui tī lí tuà ê lâu
想當時欲綴你走
siūnn tong-sî beh tuè lí tsáu
多情的雨崁著目睭
to-tsîng ê hōo khàm tio̍h ba̍k-tsiu
你的代誌講袂清楚
lí ê tāi-tsì kóng bē tshing-tshó
看你行過千山萬水
khuànn lí kiânn kuè tshian-san bān-suí
手內薔薇微微仔芳
tshiú lāi tshiông-bî bî-bî-á phang
行踏輕鬆跤步的我
kiânn ta̍h khin-sang kha-pōo ê guá
恬恬佇遮攏無出聲
tiām-tiām tī tsia lóng bô tshut-siann
日子過一工閣一工
ji̍t-tsí kuè tsi̍t-kang koh tsi̍t-kang
你的一切攏猶未放
lí ê it-tshè lóng iáu-buē pàng
越頭欲揣過去的我
ua̍t-thâu beh tshuē kuè-khì ê guá
煞來袂記家己的名
suah lâi bē-kì ka-kī ê miâ
是我欲陪你流浪
sī guá beh puê lí liû-lōng
長路終點滿天花雨
tn̂g-lōo tsiong-tiám muá-thinn hue-ú
雺霧內底戇神
bông-bū lāi-té gōng-sîn
千年流轉你的世界
tshian-nî liû-tsuán lí ê sè-kài
自作多情的人
tsū-tsok to-tsîng ê lâng
眼前地獄家己揀的
gán-tsîng tē-ga̍k ka-kī kíng–ê
天上地下人間
thian-siōng tē-hā jîn-kan
四方妖孽請恁退下
sù-hong iau-gia̍t tshiánn lín thè-hā
這繁華世間
tse huân-huâ sè-kan
眾生有情人
tsiòng-sing iú-tsîng-jîn
有情纏煩惱甘願受罪
ū-tsîng tînn huân-ló kam-guān siū-tsuē
心狂火著
sim kông hué to̍h
明知會艱苦
bîng-tsai ē kan-khóo
千錯萬錯
tshian tshò bān tshò
攏佮你無關
lóng kah lí bô-kuan
