著忍耐
《著忍耐》Tio̍h Jím-nāi
原野三重唱Guân-iá Sam-tiông-tshiùnn
——————————————
少年勇健火氣大
siàu-liân ióng-kiānn hé-khì tuā
總為名利拚死活
tsóng uī miâ-lī piànn sí-ua̍h
到尾親人朋友散
kàu-bé tshin-lâng pîng-iú suànn
才來怨慼嘆孤單
tsah lâi uàn-tsheh thàn koo-tuann
咱踮世間是暫時
lán tiàm sè-kan sī tsiām-sî
死後萬物攏放離
sí āu bān-mi̍h lóng pàng-lī
設使做人失主意
siat-sú tsuè-lâng sit tsú-ì
災難若到也袂辭
tsai-lān nā kàu iā bē sî
想真做人著海海
siūnn-tsin tsuè-lâng tio̍h hái-hái
免為名利做安排
bián uī miâ-lī tsuè an-pâi
你若逆來著忍耐
lí nā gi̍k lâi tio̍h jím-nāi
才會好名傳後代
tsah ē hó-miâ thuân āu-tāi
世人親像鳥隻飛
sè-lâng tshin-tshiūnn tsiáu-tsiah pe
溪水流落直直過
khue-tsuí lâu–lo̍h ti̍t-ti̍t kè
若為害人用心計
nā uī hāi lâng īng sim-kè
落尾也有冤相扯
lo̍h-bé iā ū uan siong-tshé
咱來雙手是空空
lán lâi siang-tshiú sī khang-khang
死後一場榮華夢
sí āu tsi̍t-tiûnn îng-huâ bāng
萬項計較袂輕鬆
bān-hāng kè-kàu bē khin-sang
事事忍耐是𠢕人
sū-sū jím-nāi sī gâu-lâng
