欲哭嘛哭無目屎
《欲哭嘛哭無目屎》Beh Khàu Mā Khàu Bô Ba̍k-sái
美君Bí-kun
石喬Tsio̍h-kiâu
——————————————
烏暗的路歹行
oo-àm ê lōo pháinn-kiânn
宛然親像山嶺
uán-jiân tshin-tshiūnn peh suann-niá
今仔日踮遮捙
kin-á-ji̍t tiàm tsia tshiann
明仔載又閣咧遐拚
bîn-á-tsài iū-koh teh hia piànn
苦勸著阮的阿兄
khóo-khǹg tio̍h gún ê a-hiann
收跤洗手做好囝
siu-kha-sé-tshiú tsuè hó-kiánn
才袂辜負阿母共咱晟
tsiah buē koo-hū a-bú kā lán tshiânn
親情朋友
tshin-tsiânn pîng-iú
親情朋友才袂驚
tshin-tsiânn pîng-iú tsiah buē kiann
心頭愛掠予定
sim-thâu ài lia̍h hōo tiānn
千萬毋通做歹囝
tshian-bān m̄-thang tsuè pháinn-kiánn
為怎樣命遮歹
uī-tsuánn-iūnn miā tsiah pháinn
自細漢失去了愛
tsū-sè-hàn sit-khì liáu ài
今仔日才著來
kin-á-ji̍t tsiah tio̍h lâi
捙捙拚拚遮慘代
tshiann-tshiann-piànn-piànn tsiah tshám tāi
你痛苦我會了解
lí thòng-khóo guá ē liáu-kái
毋通鬱卒在心內
m̄-thang ut-tsut tsāi sim-lāi
才袂辜負阿母來疼愛
tsiah buē koo-hū a-bú lâi thiànn-ài
親情朋友
tshin-tsiânn pîng-iú
親情朋友才袂害
tshin-tsiânn pîng-iú tsiah buē hāi
哭嘛是不應該
khàu mā sī put-ing-kai
欲哭嘛哭無目屎
beh khàu mā khàu bô ba̍k-sái
