性命之花
《性命之花》Sìnn-miā tsi Hua
凌鳳君Lîng Hōng-kun
——————————————
春風微微來做伴
tshun-hong bî-bî lâi tsuè-phuānn
花開一半
hue khui tsi̍t-puànn
啊~只有飄飄陣陣寒
ah~ tsí-ū phiau-phiau tsūn-tsūn kuânn
花謝一半
hue siā tsi̍t-puànn
若毋是弱者
nā m̄-sī jio̍k-tsiá
受風雨何必驚
siū hong-hōo hô-pit kiann
若為創造理想
nā uī tshòng-tsō lí-sióng
艱難的路照常行
kan-lân ê lōo tsiàu-siông kiânn
堅強的性命之花
kian-kiông ê sìnn-miā tsi hua
↓↓(口白)—(口白)—(口白)↓↓
人講
lâng kóng
傷心枕上三更雨
siong-sim tsím siōng sann-kinn ú
今夜風微微
kim-iā hong bî-bî
雨水也綿綿不斷
hōo-tsuí iā mî-mî put-tuān
天星又閣走去覕
thinn-tshinn iū-koh tsáu-khì bih
加添無限的離愁
ka-thiam bû-hān ê lî-tshiû
陣陣的風吹
tsūn-tsūn ê hong tshue
好親像你的深情彼一般
hó-tshin-tshiūnn lí ê tshim-tsîng hit tsi̍t-puann
雨水綿綿
hōo-tsuí mî-mî
也可比我的情絲不斷
iā khó-pí guá ê tsîng-si put-tuān
花蕊嘛著需要甘露
hue-luí mā tio̍h su-iàu kam-lōo
何況是人
hô-hóng sī lâng
你的真情
lí ê tsin-tsîng
使我永遠難忘
sú guá íng-uán lân-bōng
我的真愛
guá ê tsin-ài
你著永遠毋通放袂記
lí tio̍h íng-uán m̄-thang pàng-buē-kì
人講
lâng kóng
予人懷念
hōo-lâng huâi-liām
是幸福的
sī hīng-hok–ê
毋過我咧懷念你
m̄-koh guá teh huâi-liām lí
是悲傷的
sī pi-siong–ê
心愛的
sim-ài–ê
你你到底是咧佗位咧
lí, lí tàu-té sī teh tó-uī–leh
