思鄉的歌女
《思鄉的歌女》Su-hiong ê Kua-lú
胡美紅Oô Bí-hông
——————————————
稀微的小城市
hi-bî ê sió siânn-tshī
冷風又吹起
líng-hong iū tshue khí
引動阮思念鄉里
ín-tōng gún su-liām hiunn-lí
心情變空虛
sim-tsîng piàn khang-hi
慈愛的阮媽咪
tsû-ài ê gún ma-mi
女兒思念你
lú-jî su-liām lí
毋知媽媽近來日子
m̄-tsai má-mah kīn-lâi ji̍t-tsí
是毋是有如意
sī-m̄-sī ū jû-ì
這敢是天註定
tse kám-sī thinn tsù-tiānn
流浪的運命
liû-lōng ê ūn-miā
阮每暗踮在歌廳
gún muí-àm tiàm-tsāi kua-thiann
唸歌予人聽
liām-kua hōo-lâng thiann
親愛的阮阿兄
tshin-ài ê gún a-hiann
你敢會知影
lí kám ē tsai-iánn
阮是為著爭取名聲
gún sī uī-tio̍h tsing-tshú miâ-siann
走天涯咧拍拚
tsáu thian-gâi teh phah-piànn
