可憐的花蕊
《可憐的花蕊》Khó-liân ê Hue-luí
徐美英Tshî Bí-ing
——————————————
↓—(口白)—↓
你你有路
lí, lí ū lōo
就去揣新路
tō khì tshuē sin lōo
你無路
lí bô-lōo
才倒轉來佇咧揣主顧
tsiah tò-tńg-lâi tī-eh tshuē tsú-kòo
↑—(口白)—↑
人人惜花連枝愛
lâng-lâng sioh-hue liân ki ài
你是賰花栽
lí sī tshun hue-tsai
一旦花蕊被你採
it-tàn hue-luí phuē lí tshái
一去不再來
tsi̍t-khì put-tsài lâi
愛情當熱每暗來
ài-tsîng tng jia̍t muí-àm lâi
相親佮相愛
siong-tshin kah siong-ài
騙阮一擺又一擺
phiàn gún tsi̍t-pái iū tsi̍t-pái
想著真戇呆
siūnn-tio̍h tsin gōng-tai
當初看你真斯文
tong-tshoo khuànn lí tsin su-bûn
純情對待阮
sûn-tsîng tuì-thāi gún
誰知全是假情份
siáng tsai tsuân sī ké tsîng-hūn
船過水無痕
tsûn kuè tsuí bô hûn
有你這款的郎君
ū lí tsit khuán ê lông-kun
目屎準飯吞
ba̍k-sái tsún pn̄g thun
你的行為人議論
lí ê hîng-uî lâng gī-lūn
予阮真怨恨
hōo gún tsin uàn-hūn
