初戀的航路
《初戀的航路》Tshoo-luân ê Hâng-lōo
凌鳳君Lîng Hōng-kun
——————————————
海鳥飛來無停叫
hái-tsiáu pue–lâi bô thîng kiò
聲音響四邊
siann-im hiáng sì-pinn
看見綠色的海面
khuànn-kìnn li̍k-sik ê hái-bīn
予阮愈看愈歡喜
hōo gún jú khuànn jú huann-hí
看伊踮在阮對面
khuànn i tiàm-tsāi gún tuì-bīn
我面笑微微
guá bīn tshiò bî-bî
這敢毋是叫初戀
tse kám m̄-sī kiò tshoo-luân
害阮心肝跳袂離
hāi gún sim-kuann thiàu buē-lī
心肝為伊嗶噗跳
sim-kuann uī i phi̍t-pho̍k thiàu
我面紅記記
guá bīn âng-kì-kì
看伊態度真溫馴
khuànn i thāi-tōo tsin un-sûn
予阮愈想愈歡喜
hōo gún jú siūnn jú huann-hí
將阮初戀的愛心
tsiong gún tshoo-luân ê ài-sim
全部獻予伊
tsuân-pōo hiàn hōo i
希望伊會相照顧
hi-bāng i ē sio tsiàu-kòo
做阮忠心的伴侶
tsuè gún tiong-sim ê phuānn-lī
