公園夜曲
《公園夜曲》Kong-hn̂g Iā-khik
紀露霞Kí Lōo-hâ
——————————————
清芳的園內野花
tshing-phang ê hn̂g lāi iá-hue
開甲滿滿是
khui kah muá-muá-sī
親像雙人當青春
tshin-tshiūnn siang-lâng tng tshing-tshun
芬芳味清芳
hun-hong bī tshing-phang
若想起著彼時陣
nā siūnn-khí tio̍h hit-sî-tsūn
快樂的你我兩人
khuài-lo̍k ê lí guá nn̄g-lâng
想當時在公園內
siūnn tang-sî tsāi kong-hn̂g lāi
初戀的暗暝
tshoo-luân ê àm-mî
燈火影照落水面
ting-hé iánn tsiò lo̍h tsuí-bīn
清風微微吹
tshing hong bî-bî tshue
雙人坐在涼亭內
siang-lâng tsē tsāi liâng-tîng lāi
情意甜綿綿
tsîng-ì tinn mî-mî
若想起著彼時陣
nā siūnn-khí tio̍h hit-sî-tsūn
啥人比咱較幸福
siánn-lâng pí lán khah hīng-hok
想當時在公園內
siūnn tang-sî tsāi kong-hn̂g lāi
談戀的暗暝
tâm-luân ê àm-mî
自從環境來阻礙
tsū-tsiông khuân-kíng lâi tsóo-gāi
你我拆分開
lí guá thiah hun-khui
心內猶原放袂離
sim-lāi iu-guân pàng buē-lī
心愛的形影
sim-ài ê hîng-iánn
若想起著彼時陣
nā siūnn-khí tio̍h hit-sî-tsūn
見景流落傷心淚
kiàn-kíng lâu lo̍h siong-sim luī
想當時在公園內
siūnn tang-sî tsāi kong-hn̂g lāi
無悔的春夢
bô-hué ê tshun-bāng
