請你毋通袂記
《請你毋通袂記》Tshiánn Lí M̄-thang Buē-kì
洪榮宏Âng Îng-hông
——————————————
明月光明月光
bîng ge̍h-kong bîng ge̍h-kng
看月在花園
khuànn ge̍h tsāi hue-hn̂g
彼時陣彼時陣
hit sî-tsūn hit sî-tsūn
遊賞的暝昏
iû-siúnn ê mî-hng
對天立誓毋放斷
tuì thinn li̍p-sè m̄ pàng-tn̄g
年紀有遐長
nî-kí ū hiah tn̂g
妹妹你愛我的心情
muē-muē lí ài guá ê sim-tsîng
請你毋通袂記得呢
tshiánn lí m̄-thang bē-kì–eh neh
希望久久長長
hi-bāng kú-kú-tn̂g-tn̂g
明月光明月光
bîng ge̍h-kong bîng ge̍h-kng
永遠袂放斷
íng-uán bē pàng-tn̄g
好情義好情義
hó tsîng-gī hó tsîng-gī
予阮甘酸甜
hōo gún kam-sng-tinn
有情義有情義
ū tsîng-gī ū tsîng-gī
投合愛情圓
tâu-ha̍p ài-tsîng înn
毋管離鄉離身邊
m̄-kuán lî hiong lî sin-pinn
忍耐一个時
jím-nāi tsi̍t-ê sî
妹妹你愛我的心情
muē-muē lí ài guá ê sim-tsîng
請你毋通袂記得呢
tshiánn lí m̄-thang bē-kì–eh neh
希望綿綿春天
hi-bāng mî-mî tshun-thinn
想彼時想彼時
siūnn hit-sî siūnn hit-sî
快樂又甜蜜
khuài-lo̍k iū tinn-bi̍t
風微微風微微
hong bî-bî hong bî-bî
清淨賞月暝
tshing-tsīng siúnn ge̍h-mî
鳥隻飛鳥隻飛
tsiáu-tsiah hui tsiáu-tsiah hui
唱曲唸歌詩
tshiùnn khik liām kua-si
阮相信緣份天來致
gún siong-sìn iân-hūn thinn lâi tì
有緣來相隨
ū-iân lâi sio-suî
妹妹你愛我的心情
muē-muē lí ài guá ê sim-tsîng
請你毋通袂記得呢
tshiánn lí m̄-thang bē-kì–eh neh
希望賞月暝
hi-bāng siúnn-ge̍h mî
風微微風微微
hong bî-bî hong bî-bî
歡喜月真圓
huann-hí ge̍h tsin înn
