天涯男子漢
《天涯男子漢》Thian-gâi Lâm-tsú-hàn
洪第七Âng Tē-tshit
——————————————
孤一个走天涯
koo tsi̍t-ê tsáu thian-gâi
看破著一切情愛
khuànn-phuà tio̍h it-tshè tsîng-ài
所以阮自今暗
sóo-í gún tsū kim-àm
毋願對人露出悲哀
m̄-guān tuì lâng lōo-tshut pi-ai
做著男性心稀微
tsuè tio̍h lâm-sìng sim hi-bî
應該愛忍耐
ing-kai ài jím-nāi
雖然伊袂分明
sui-jiân i buē hun-bîng
哀愁的男性心內
ai-tshiû ê lâm-sìng sim-lāi
永遠也無干礙
íng-uán iā bô kan-gāi
啊~ ah~
孤一个走天涯
koo tsi̍t-ê tsáu thian-gâi
毋通來閣再失敗
m̄-thang lâi koh-tsài sit-pāi
無論阮會行到啥物地步
bô-lūn gún ē kiânn kàu siánn-mih tē-pōo
心也自在
sim iā tsū-tsāi
做著男性賭意志
tsuè tio̍h lâm-sìng tóo ì-tsì
創造好將來
tshòng-tsō hó tsiong-lâi
雖然伊已經來
sui-jiân i í-king lâi
辜負了男性情愛
koo-hū liáu lâm-sìng tsîng-ài
到底有啥干礙
tàu-té ū siánn kan-gāi
啊~ ah~
做著男性
tsuè tio̍h lâm-sìng
放捒著失戀的悲哀
pàng-sak tio̍h sit-luân ê pi-ai
雖然伊永遠知
sui-jiân i íng-uán tsai
無聊的男性情愛
bô-liâu ê lâm-sìng tsîng-ài
到底有啥干礙
tàu-té ū siánn kan-gāi
啊~ ah~
