初戀的暗暝
《初戀的暗暝》Tshoo-luân ê Àm-mî
洪榮宏Âng Îng-hông
——————————————
滿天的星星閃閃爍
muá-thinn ê tshinn-tshinn siám-siám-sih
我佮你散步在河邊
guá kah lí sàn-pōo tsāi hô-pinn
啊~啊~暗歡喜
ah~ ah~ àm huann-hí
遠遠的對面有聽起
hn̄g-hn̄g ê tuì-bīn ū thiann-khí
一陣陣美妙的歌詩
tsi̍t-tsūn-tsūn bí-miāu ê kua-si
啊~迷人的暗暝
ah~ bê-lâng ê àm-mî
自從我初次熟似你
tsū-tsiông guá tshoo-tshù si̍k-sāi lí
我心內暗暗思慕你
guá sim-lāi àm-àm su-bōo lí
我思慕你
guá su-bōo lí
我對你坦白來表示
guá tuì lí thán-pe̍h lâi piáu-sī
我已經深深愛著你
guá í-king tshim-tshim ài tio̍h lí
啊~初戀的暗暝
ah~ tshoo-luân ê àm-mî
我對你表明我愛你
guá tuì lí piáu-bîng guá ài lí
你也會了解我心意
lí iā ē liáu-kái guá sim-ì
啊~啊~心歡喜
ah~ ah~ sim huann-hí
溫柔的暗風吹微微
un jiû ê àm-hong tshue bî-bî
吹送著熱情花芳味
tshue-sàng tio̍h jia̍t-tsîng hue-phang-bī
啊~難忘的暗暝
ah~ lân-bōng ê àm-mî
我甘願付出真情意
guá kam-guān hù-tshut tsin tsîng-ì
你對我愛情永不移
lí tuì guá ài-tsîng íng put-î
深情綿綿
tshim-tsîng mî-mî
今夜的月娘光又圓
kim-iā ê ge̍h-niû kng iū înn
祝福咱永遠毋分離
tsiok-hok lán íng-uán m̄ hun-lî
啊~初戀的暗暝
ah~ tshoo-luân ê àm-mî
