人生可比海水
《人生可比海水》Jîn-sing Khó-pí Hái-tsuí
柯建仲Kua Kiàn-tiōng
——————————————
人生可比是海水
jîn-sing khó-pí sī hái-tsuí
有時溢來有時去
ū-sî ik–lâi ū-sî khì
自恨早前無志氣
tsū-hūn tsá-tsiân bô tsì-khì
如今變成按呢生
jû-kim piàn-sîng án-ní-sinn
問天問地問自己
mn̄g thinn mn̄g tē mn̄g tsū-kí
光明的路途佇佗位
kong-bîng ê lōo-tôo tī tó-uī
攑頭看天
gia̍h-thâu khuànn thinn
吐大氣
thóo-tuā-khuì
心愛的人在哪裡
sim-ài ê lâng tsāi ná-lí
過去的錯誤已過去
kuè-khì ê tshò-gōo í kuè–khì
我用懺悔來表示
guá iōng tshàm-hué lâi piáu-sī
請你轉來阮身邊
tshiánn lí tńg-lâi gún sin-pinn
共同創造好日子
kiōng-tông tshòng-tsō hó ji̍t-tsí
