露水凍袂煞
《露水凍袂煞》Lōo-tsuí Tàng Buē-suah
阿堂A-tông
——————————————
回頭想著阮的命
huê-thâu siūnn-tio̍h gún ê miā
啥人知影阮心聲
siánn-lâng tsai-iánn gún sim-siann
遠遠看著你的影
hn̄g-hn̄g khuànn-tio̍h lí ê iánn
輕輕摸著阮心肝
khin-khin bong tio̍h gún sim-kuann
月娘恬恬佇遐看
gue̍h-niû tiām-tiām tī hia khuànn
露水按怎凍袂煞
lōo-tsuí án-tsuánn tàng buē-suah
人生劇本家己寫
jîn-sing kio̍k-pún ka-tī siá
欲好欲歹家己拚
beh hó beh pháinn ka-tī piànn
怨嘆一聲閣一聲
uàn-thàn tsi̍t-siann koh tsi̍t-siann
好歹的命嘛毋驚
hó-pháinn ê miā mā m̄-kiann
提出勇氣閣再行
the̍h tshut ióng-khì koh-tsài kiânn
