遙遠的人生路
《遙遠的人生路》Iâu-uán ê Jîn-sing Lōo
泥泥Nî-nî
——————————————
夕陽的目睭
si̍k-iông ê ba̍k-tsiu
照著黃昏的旅途
tsiàu tio̍h hông-hun ê lú-tôo
風雨的雙手
hong-hōo ê siang-tshiú
攬著暗淡的前途
lám tio̍h àm-tām ê tsiân-tôo
揹著命運的包袱
phāinn tio̍h miā-ūn ê pau-ho̍k
拖著沉重的跤步
thua tio̍h tîm-tāng ê kha-pōo
行向遙遠的人生路
kiânn hiòng iâu-uán ê jîn-sing lōo
為愛情
uī ài-tsîng
阮毋驚食苦
gún m̄-kiann tsia̍h-khóo
為前途
uī tsiân-tôo
阮毋驚風雨
gún m̄-kiann hong-hōo
啊~遙遠的人生路
ah~ iâu-uán ê jîn-sing lōo
行一步算一步
kiânn tsi̍t-pōo sǹg tsi̍t-pōo
千萬毋通
tshian-bān m̄-thang
踏出錯誤的跤步
ta̍h-tshut tshò-gōo ê kha-pōo
