總是愛看破
《總是愛看破》Tsóng–sī Ài Khuànn-phuà
金田Kim-tiân
——————————————
毋願你僥心一時
m̄-guān lí hiau-sim tsi̍t-sî
將阮來放離
tsiong gún lâi pàng-lī
可愛你假情假愛
khó-ài lí ké-tsîng ké-ài
佮我假做戲
kah guá ké tsuè-hì
為啥物遐爾天真
uī-siánn-mih hiah-nī thian-tsin
予你誘拐去
hōo-lí iú-kuái khì
啊!總是愛看破
ah! tsóng–sī ài khuànn-phuà
毋通無志氣
m̄-thang bô tsì-khì
毋願你迎新棄舊
m̄-guān lí ngiâ-sin khì-kū
將阮來放離
tsiong gún lâi pàng-lī
可恨你毋捌世事
khó-hūn lí m̄-bat sè-sū
對我無誠意
tuì guá bô sîng-ì
為啥物對你痴迷
uī-siánn-mih tuì lí tshi-bê
犧牲遮爾濟
hi-sing tsiah-nī tsuē
啊!總是愛看破
ah! tsóng–sī ài khuànn-phuà
毋通再拖磨
m̄-thang tsài thua-buâ
毋願你隨便隨意
m̄-guān lí suî-piān suî-ì
將阮來創治
tsiong gún lâi tshòng-tī
可恨你楊花水性
khó-hūn lí iûnn-hua tsuí-sìng
佮我假正經
kah guá ké tsìng-king
為啥物不再
uī-siánn-mih put-tsài
貪戀虛榮的女性
tham-luân hi-îng ê lú-sìng
啊!總是愛看破
ah! tsóng–sī ài khuànn-phuà
毋通費心肝
m̄-thang huì sim-kuann
