海角是阮好厝邊
《海角是阮好厝邊》Hái-kak Sī Gún Hó Tshù-pinn
金美惠Kim Bí-huī
——————————————
初次來到夜都市
tshoo-tshù lâi kàu iā too-tshī
茫茫渺渺佗位去
bông-bông-biáu-biáu tó-uī khì
街頭生疏
ke-thâu tshinn-soo
橐袋仔又無錢
lak-tē-á iū bô tsînn
冷風又閣寒爍爍
líng-hong iū-koh kuânn sih-sih
阮是一个散赤女
gún sī tsi̍t-ê sàn-tshiah-lí
想著環境喉就滇
siūnn-tio̍h khuân-kíng âu tiō tīnn
無依無倚流浪天涯
bô-i-bô-uá liû-lōng thian-gâi
海角就是阮厝邊
hái-kak tiō-sī gún tshù-pinn
來到異鄉的城市
lâi kàu ī-hiong ê siânn-tshī
頭路又閣袂順序
thâu-lōo iū-koh buē sūn-sī
想欲佮人賣花來趁錢
siūnn-beh kah lâng bē-hue lâi thàn-tsînn
可惜無人來支持
khó-sioh bô-lâng lâi tsi-tshî
阮是一个流浪女
gún sī tsi̍t-ê liû-lōng-lí
予人輕視看無起
hōo-lâng khin-sī khuànn-bô-khí
無依無倚流浪天涯
bô-i-bô-uá liû-lōng thian-gâi
海角就是阮厝邊
hái-kak tiō-sī gún tshù-pinn
