水中影
《水中影》Tsuí-tiong Iánn
泥泥Nî-nî
——————————————
靜靜的水面
tsīng-tsīng ê tsuí-bīn
照著兩人的形影
tsiò tio̍h nn̄g-lâng ê hîng-iánn
兩對目睭一直咧相看
nn̄g-tuì ba̍k-tsiu it-ti̍t teh sio-khuànn
紅紅的日頭
âng-âng ê ji̍t-thâu
已經欲落山
í-king beh lo̍h-suann
雙人牽手做陣行
siang-lâng khan-tshiú tsuè-tīn kiânn
阮的心內只有你
gún ê sim-lāi tsí-ū lí
對你有情義
tuì lí ū tsîng-gī
你的心內只有阮
lí ê sim-lāi tsí-ū gún
對阮無相瞞
tuì gún bô sio-muâ
海會焦石會爛
hái ē ta tsio̍h ē nuā
兩人的心永遠袂變卦
nn̄g-lâng ê sim íng-uán buē piàn-kuà
為著前途
uī-tio̍h tsiân-tôo
毋驚風雨
m̄-kiann hong-hōo
期待咱幸福的生活
kî-thāi lán hīng-hok ê sing-ua̍h
